Një ngjarje e rëndë është regjistruar ditën e sotme në fshatin Vashtëmi të Maliqit, ku një 61-vjeçar dyshohet se ka humbur jetën në rrethana tragjike.
Sipas informacioneve paraprake, shtetasi Ismail Ismaili është gjetur pa shenja jete në banesën ku jetonte së bashku me nënën e tij.
Dyshohet se ai i ka dhënë fund jetës pas një periudhe të vështirë emocionale, e lidhur me humbjen e bashkëshortes rreth tre muaj më parë.
Burime nga zona bëjnë me dije se 61-vjeçari e kishte përjetuar rëndë këtë humbje dhe se prej asaj kohe ishte izoluar emocionalisht. Ishte nëna e tij ajo që e gjeti të pajetë, ndërsa fëmijët e viktimës jetojnë jashtë vendit.
Autoritetet po punojnë për sqarimin e plotë të rrethanave të ngjarjes.
Be First to Comment