Gjyqtari i Speciales kotet pak në seancë, teksa avokati i Veselit po e jep fjalën përfundimtare

Gjykimi në rastin e krerëve të UÇK-së në Hagë është duke vazhduar.

Megjithatë, fjalët e gjata, duket se e kanë ‘molisur’ njërin prej gjyqtarëve.

Fjala është për Kristof Barthe, i cili është parë teksa ‘kotet’ pak.

Hagë – Seanca gjyqësore në Dhomat e Specializuara të Kosovës është ndërprerë për pak minuta këtë të enjte, teksa avokati mbrojtës i Kadri Veselit po paraqiste fjalën e tij përfundimtare.

Ndërprerja u bë me urdhër të trupit gjykues, i cili njoftoi se seanca do të rifillonte pas një pauze të shkurtër. Nuk u dhanë menjëherë detaje shtesë mbi arsyen e ndërprerjes, ndërsa në sallë mbizotëroi qetësi para rifillimit të procedurës.

Gjatë fjalës së tij përmbyllëse, avokati i Veselit po paraqiste argumentet e mbrojtjes, duke theksuar qëndrimin se klienti i tij është i pafajshëm ndaj akuzave të ngritura nga Prokuroria e Specializuar. Ai po kërkonte nga trupi gjykues që të vlerësojë provat dhe dëshmitë në tërësi, duke pretenduar se ato nuk e mbështesin aktakuzën.

Seanca pritet të vazhdojë me pjesën e mbetur të fjalës përfundimtare të mbrojtjes, ndërsa më pas procedura do të kalojë në fazën e shqyrtimit nga trupi gjykues, i cili në një moment të mëvonshëm do të shpallë aktgjykimin.

Procesi ndaj ish-krerëve të UÇK-së në Hagë ka tërhequr vëmendje të madhe publike në Kosovë dhe më gjerë, me seanca që po ndiqen nga familjarë, përfaqësues institucionalë dhe media.
PER FOTO KLIKO KETU