Largimi i Labinot Rexhës nga Big Brother VIP Kosova ka ardhur pas një situate të tensionuar që ka kulmuar me zarf të zi, ofendime dhe kërcënime verbale brenda shtëpisë.
Sipas zhvillimeve të fundit, produksioni ka vendosur të ndërhyjë pas sjelljeve të përsëritura të Labit, të cilat janë konsideruar shkelje të rënda të rregullave të formatit. Zarf i zi i mbërritur në shtëpi ka vulosur përfundimisht vendimin për largimin e tij, pas një sërë paralajmërimesh të mëparshme.
Megjithatë, ajo që ka tërhequr më shumë vëmendje ka qenë momenti i daljes së tij nga shtëpia. Teksa po largohej, Labi tentoi të përshëndeste Klodin dhe t’i jepte dorën, por ky i fundit refuzoi në mënyrë të prerë kontaktin. Pamjet tregojnë se Klodi u tërhoq dhe shmangu çdo përballje, duke mos pranuar as përshëndetjen minimale.
LAJME TË FUNDIT Tronditje! Momenti kur pallati rrëzohet dhe zë njerëzit nën rrënoja (VIDEO)
Labi, i habitur nga ky reagim, insistoi ta takonte, por përballë refuzimit të vazhdueshëm, iu drejtua me fjalët:
“E ke personale me mu?”
Ky moment ka ndezur menjëherë rrjetin, ku ndjekësit po diskutojnë jo vetëm arsyet e largimit të Labit, por edhe raportin e ftohtë mes tij dhe Klodit, i cili duket se ishte thyer përfundimisht para këtij episodi.
Mbetet për t’u parë nëse produksioni do të japë më shumë detaje mbi vendimin dhe nëse kjo përplasje do të pasohet nga reagime të tjera jashtë shtëpisë.
Be First to Comment