Një ngjarje e rëndë ka tronditur opinionin publik, pasi një 3-vjeçare ka humbur jetën pas një ndërhyrjeje kirurgjikale në spital. I ati i saj, mes dhimbjes së thellë, hedh akuza të forta ndaj stafit mjekësor, duke pretenduar neglizhencë gjatë trajtimit të së miturës.
“Vajzën ma morën tu kesh, dhe mu kthye në kufomë”, shprehet ai i rrënuar, duke rrëfyer momentet e fundit para se e bija të futej në sallën e operacionit. Sipas familjarëve, vogëlushja ishte në gjendje stabile para ndërhyrjes, ndërsa pas operacionit situata dyshohet se është përkeqësuar me shpejtësi.
Prindërit kërkojnë zbardhjen e plotë të rastit dhe mbajtjen e përgjegjësve para drejtësisë. Ata thonë se do të ndjekin të gjitha rrugët ligjore për të kuptuar se çfarë ndodhi realisht në orët kritike brenda spitalit.
Nga ana tjetër, autoritetet shëndetësore nuk kanë dhënë ende një deklaratë të detajuar, por burime bëjnë me dije se është iniciuar një hetim administrativ për të verifikuar procedurat e ndjekura nga stafi mjekësor.
Ngjarja ka shkaktuar reagime të shumta në publik, ndërsa familja po përballet me dhimbjen e humbjes së parakohshme të fëmijës së tyre.
Be First to Comment