Pas spektaklit të së shtunës në Big Brother, mes Rogert Sterkaj dhe Selin Bollati shpërtheu një debat i ashpër që tërhoqi vëmendjen e publikut. Shkak u bënë komentet e vazhdueshme të banorit lidhur me orientimin seksual të saj, pasi ajo kishte shkëmbyer puthje në buzë me Gretën.
E revoltuar nga situata, Selin reagoi hapur duke e pyetur se çfarë problemi kishte me orientimin e saj dhe duke i thënë se duhet t’i vijë turp për mesazhet që, sipas saj, po jepte. Ajo theksoi se nuk ka asgjë të gabuar të pëlqesh një femër dhe se secili ka të drejtë të jetë ashtu siç dëshiron. Rogerti iu kundërpërgjigj me tone ironike dhe provokuese, duke e vënë sërish në siklet me pyetje për orientimin e saj.
Në fund, Selin i dha një përgjigje të prerë: se është lesbike dhe se kjo nuk është punë e askujt tjetër, duke nënvizuar të drejtën personale për të jetuar sipas zgjedhjeve të veta. Sipas banorëve dhe ndjekësve të formatit, Rogerti njihet për një stil loje provokues, shpesh të mbushur me ngacmime dhe komente thumbuese ndaj të tjerëve, gjë që shpesh shkakton tensione brenda shtëpisë.
Be First to Comment