Këngëtari i njohur nga Mitrovica, Blero, po përjeton një nga momentet më të bukura të jetës së tij personale, pasi pritet të bëhet baba për herë të dytë. Lajmi, që ka ngjallur reagime pozitive mes fansave, është bërë i ditur nga burime pranë emisionit të Liberta Spahiu, të cilat kanë zbuluar se ai dhe bashkëshortja e tij janë në pritje të një fëmije.
Sipas të njëjtave burime, çifti pritet të mirëpresë një djalë, duke hapur kështu një kapitull të ri në jetën familjare të artistit. Ky zhvillim vjen vetëm pak muaj pasi Blero kurorëzoi dashurinë me partneren e tij, duke nisur një etapë të re pas historive të mëparshme martesore me Afrona Dika dhe aktoren Teuta Krasniqi.
Për fansat e tij, lajmi konsiderohet si një moment i lumtur dhe shpresëdhënës, që tregon se këngëtari po gjen stabilitet dhe lumturi në jetën personale krahas suksesit në karrierë.
Martesa e tretë duket se po i sjell shumë fat këngëtarit Blero, i cili tashmë është baba i një vajze 15-vjeçare, Tara, nga lidhja e tij e parë me Teuta Krasniqi. Lajmi për zgjerimin e familjes ka ngjallur interes të madh te fansat, të cilët prej kohësh ndjekin jetën personale dhe karrierën artistike të këngëtarit.
Megjithëse Blero ende nuk ka bërë një reagim publik lidhur me shtatzëninë, burimet pranë çiftit bëjnë të ditur se ai dhe bashkëshortja, Eronita Karavidaj, janë jashtëzakonisht të lumtur dhe po e presin me emocion ardhjen e djalit, i cili pritet të bëjë familjen e tyre edhe më të plotë dhe të lumtur.
Be First to Comment