Dy vetura përplasen në autostradë

Një aksident trafiku mes dy veturave ka ndodhur sot në autostradën pranë Sllatinës.

Sipas informacioneve fillestare, në përplasje janë përfshirë dy automjete, ndërsa në vendin e ngjarjes kanë dalë njësitë përkatëse për të menaxhuar situatën dhe për të rikthyer qarkullimin normal të trafikut.

Gazeta Sinjali ka tentuar të kontaktojë Policinë e Kosovës për të marrë detaje shtesë lidhur me rrethanat e aksidentit dhe për të mësuar nëse ka persona të lënduar, por deri në momentin e publikimit nuk ka marrë përgjigje zyrtare.

Më shumë informacione pritet të bëhen të ditura pas konfirmimit nga autoritetet kompetente.