Një moment simbolik, por me peshë të madhe emocionale, ka ndodhur së fundmi në shtëpinë e Big Brother VIP Albania, duke ndezur menjëherë reagime të forta si brenda shtëpisë ashtu edhe në rrjet.
Këtë herë, droni nuk ka ardhur rastësisht. Ai është dërguar nga Toni, babai i Selinës, dhe mesazhi i tij është interpretuar gjerësisht si një miratim i hapur për lidhjen mes Selinës dhe Gimbos. Reagimi i Selinës, Gretës, Gimbos ka qenë plot të qeshura dhe humor, duke e marrë momentin si një sinjal pozitiv dhe mbështetës nga familja.
Por jo të gjithë e përjetuan njësoj këtë situatë.
Ajo që ra menjëherë në sy ishte reagimi i Mirit, i cili u shfaq i ftohtë, i tensionuar dhe dukshëm i prekur. Sipas ndjekësve dhe komenteve në rrjet, Miri u “mez” dhe fytyra e tij tregonte qartë se momenti nuk i erdhi aspak mirë.
Ky reagim ka rikthyer në vëmendje një temë të vjetër brenda dhe jashtë shtëpisë: akuzat se Miri ka pasur pëlqim për Selinën, pavarësisht faktit se ajo ka zgjedhur hapur Gimbos. Pikërisht kjo zgjedhje duket se vazhdon të jetë e vështirë për t’u pranuar nga Miri, i cili, sipas publikut, e “vuan” këtë pjesë në heshtje.
Situata bëhet edhe më delikate duke marrë parasysh faktin se jashtë shtëpisë, Miri është baba dhe bashkëshort, çka ka sjellë më herët edhe kritika e reagime të ashpra nga publiku dhe, sipas aludimeve, edhe nga familja e Selinës. Droni i Tonit shihet nga shumë ndjekës si një mesazh i qartë distancimi nga Miri dhe një vijë e prerë në mbështetje të çiftit Selina–Gimbo.
Në këtë kontekst, gjesti i babait të Selinës nuk është parë thjesht si një batutë apo lojë, por si një qëndrim i qartë familjar, që për disa banorë solli të qeshura, ndërsa për Mirit solli një moment të vështirë emocional.
Mbetet për t’u parë nëse kjo situatë do të ndikojë më tej në raportet brenda shtëpisë dhe në sjelljen e Mirit ndaj Selinës dhe Gimbos në ditët në vijim.
Be First to Comment