Një tjetër moment i fortë dhe tejet i diskutueshëm është regjistruar brenda shtëpisë së Big Brother VIP Albania, duke ndezur menjëherë reagime të ashpra në rrjetet sociale.
Këtë herë nuk bëhet fjalë për një debat apo konflikt mes banorëve, por për një deklaratë të papritur dhe të rëndë ndaj një figure ikonike të muzikës shqiptare, Dr. Flori, i cili vazhdon të mbetet shumë i dashur për publikun, edhe pas ndarjes së tij nga jeta.Gjatë një momenti kur “Vëllai i Madh” kishte vendosur në sfond një prej këngëve të Dr. Florit – një zgjedhje që zakonisht shoqërohet me emocione, nostalgji dhe respekt – reagimi i Mateos ka qenë krejtësisht i kundërt me atë që pritej.
Në vend që ta shijonte apo të paktën të heshtte në shenjë respekti, Mateo ka shprehur hapur një bezdi të madhe, duke bërë një koment që ka indinjuar thellë ndjekësit: “Të kishte mbaruar kjo muzika të paktën se na e shpifi. O Vëlla i Madh na e hiq muzikën.”
Kjo deklaratë ka mjaftuar që rrjeti të shpërthejë menjëherë në kritika të ashpra kundrejt banorit.
Dr. Flori mbetet një nga artistët më të vlerësuar dhe komentet e tilla, veçanërisht për një artist që nuk jeton më, prekin një tel shumë të ndjeshëm tek audienca.
Mbetet për t’u parë nëse ky moment do të trajtohet në spektaklin e radhës, pasi publiku rrallë i fal gabime të tilla që prekin figurat ikonike të artit shqiptar.
Be First to Comment