Ky është i riu nga Malisheva që humbi jetën në vendin e punës në Slloveni

Ky është i riu nga Malisheva që humbi jetën në vendin e punës në Slloveni

Latif Bytyqi nga fshati Shkozë i Malishevës ka humbur jetën tragjikisht në vendin e tij të punës në Slloveni, duke tronditur familjen, të afërmit dhe bashkëfshatarët e tij.

Lajmi i hidhur është bërë i ditur nga mediat lokale, të cilat kanë raportuar për vdekjen e mërgimtarit nga kjo zonë e Malishevës, i cili ishte duke punuar në Slloveni.

“Lajm i trishtë për familjen Bytyqi nga Shkoza. Humb jetën tragjikisht në vendin e punës në Slloveni mërgimtari Latif Bytyqi nga Shkoza. Ngushëllime familjes!”, thuhet në njoftimin e publikuar.

Vdekja e tij ka shkaktuar pikëllim të madh në vendlindjen e tij, ndërsa familjarë, miq dhe të njohur kanë shprehur ngushëllimet e tyre për humbjen e parakohshme.

Rrethanat se si ka ndodhur ngjarja tragjike ende nuk janë bërë të ditura, ndërsa pritet që autoritetet përkatëse të hedhin dritë mbi rastin në fjalë.